Almatyda jańarǵan 9 ekopost jumys istei bastady, kúzge qarai taǵy 10-y iske qosylady. Bul týraly Óńirlik kommýnikatsiialar qyzmetiniń baspasóz konferentsiiasynda Almaty qalasynyń Jasyl ekonomika basqarmasynyń basshysy Natalia Livinskaia málim etti, dep habarlaidy QazAqparat.
Onyń aitýynsha, ekoposttar arnaiy qondyrǵylarmen jabdyqtalǵan. Megapolistegi aýany negizgi lastaýshy - avtokólik, statsionarlyq kózder jáne jeke sektor. Sońǵy 11 jylda zalaldy shyǵyndar 128 myńnan 70 myń tonnaǵa deiin tómendegen. Al jeke sektordan 16 myńnan 1 myń tonnaǵa deiin azaidy.
Desekte, statsionarlyq oryndardyń shyǵaryndylary ósti, bul kórsetkishter JEO-2 jumysyna bailanysty.
«Atmosferadaǵy zalaldy zattardy azaitý úshin, eń kólikti, qoǵamdyq kólikti ekologiialyq taza janarmaiǵa kóshirý úshin júieli jumystar júrgizilýde. Barlyq qalalyq avtobýsty gaz ben elektr energiiasyna kóshirý jumystary bastaldy. Mysaly, 2020 jyly gazben júretin 150 avtobýs satyp alyndy. Al biyl gaz ben elektr energiiasyn paidalanatyn qoǵamdyq kólikterdiń 500-ge jýyq birligin satyp alý josparlanyp otyr», - dedi Jasyl ekonomika basqarmasynyń basshysy.
Onyń pikirinshe, jeke kólikterdi júieli túrde jańartyp, kólikteri aqaýly jáne qorshaǵan ortaǵa ziiandy avtokólik ielerine shara qoldaný qajet.
«Qalanyń kireberisterine 19 ekologiialyq post ornatý boiynsha jumys júrgizilip jatyr. Búgingide 9 ekologiialyq post quryldy, qalǵan 10 post osy jyldyń kúzine deiin birtindep ornatylady», - dedi Natalia Livinskaia.
Aita keterligi, kóktemde qala boiynsha qozǵalatyn júk vagondarynyń ólshemderi alyndy. Tekserý nátijeleri kórsetkendei, qalalyqtardyń 11%-y jáne qalaǵa kiretin kólikterdiń 12,6%-y ekologiialyq normalardy saqtamaidy.
Sonymen qatar, Jasyl ekonomika basqarmasy lastaýshy avtokólikterdi qala boiynsha qozǵalys kezinde anyqtaityn úsh mobildi posty jáne zerthana satyp alýdy josparlap otyr. Qazirgi ýaqytta konkýrstyq protsedýralar júrip jatyr, jetkizý osy jyldyń sońyna josparlanǵan.
Tehnikalyq retteý jáne metrologiia departamenti qalada satylatyn otynnyń sapasyn baqylaý jumystaryn bastady. Sondai-aq, avtokólikterdi tehnikalyq baiqaýdan ótý tártibin qatańdatý boiynsha sharalar qabyldanyp jatyr.
