M. Áýezov aýdanynyń ákimi Sairan Saifedenov brifing barysynda jańa «Saryarqa» jáne «Baýyrjan Momyshuly» metro stantsiialary qashan iske qosylatynyn aitty, dep habarlaidy QazAqparat.
«Qazirgi tańda aýdan aýmaǵynda jolaýshylar arasynda úlken suranysqa ie bir ǵana «Máskeý» stansasy bar. Búgingi kúni taǵy ekeýi salynyp jatyr. Olar «Saryarqa» jáne «Baýyrjan Momyshuly» stansalary. Eki bekette de árleý jumystary aiaqtalýǵa jaqyn. Sodan keiin jyljymaly quramdy synaý júrgiziledi. Shamamen metropoliten ákimshiliginiń boljamy boiynsha, kelesi jyldyń birinshi jáne ekinshi toqsanynda iske qosý josparlanyp otyr», - dedi aýdan ákimi Sairan Saifedenov.
Sonymen qatar, ol vagon men poiyzdy synaqtan ótkizý belgili bir ýaqytty qajet etetinin jetkizdi.
«Synaqtan keiin jolaýshylar jelileri iske qosylyp, metro ashylady», - dedi spiker.
Aita keteiik, Táýelsizdiktiń 30 jyldyǵynda Tuńǵysh Prezident kúni qarsańynda jáne Almaty metropoliteniniń 10 jyldyǵyna orai Almaty metropoliteni úshin arnaiy ázirlengen Ońtústik Koreianyń Hyundai Rotem kompaniiasy shyǵarǵan 8 jańa poiyz paidalanýǵa berildi.
