Almatyda stroboskopty paidalanǵan Gelandewagen júrgizýshisi jaýapqa tartyldy, - dep habarlaidy Polisia.kz
Áleýmettik jelilerge júrgizilgen monitoring barysynda jol qozǵalysy erejeleriniń birden birneshe talabyn buzǵan QR ákimshilik zańnamasyn óreskel buzý deregi anyqtaldy.
"23 jastaǵy I. esimdi azamat ustaldy. Ol quqyq buzý deregin birden moiyndap, videoǵa túsirý qajettigin túsindirdi. Bul ýáj quqyqbuzýshynyń áreketin aqtamaidy. Oǵan qatysty Qazaqstan Respýblikasynyń ákimshilik zańnamasyna sáikes shara qoldanyldy: alty ákimshilik hattama toltyryldy. Kólik mamandandyrylǵan aiyppul turaǵyna qoiyldy", - dedi Almaty qalalyq PD Jergilikti politsiia qyzmeti basqarmasynyń bastyǵy Erjan Uzabaev.
Myna quqyq buzý derekteri boiynsha ákimshilik is qozǵaldy:
- QR ÁQBtK-niń 230-baby 2-bóligi - "Qazaqstan Respýblikasynyń mindetti saqtandyrý týraly zańnamasyn buzý";
- QR ÁQBtK-niń 591-baby 1-bóligi - "Júrgizýshiniń kólik quralyn basqarý kezinde telefon nemese radiostantsiiany paidalanýy";
- QR ÁQBtK-niń 590-baby 5-bóligi - "Tehnikalyq reglamentterdiń, ulttyq standarttardyń talaptaryna sáikes kelmeitin, sondai-aq aqaýlar nemese kólik quraldaryn paidalanýǵa tyiym salynatyn jaǵdailar bolǵan kezde kólik quraldaryn júrgizý";
- QR ÁQBtK-niń 590-baby 3 bóligi - "Kólik quralyna jalǵan nemese qoldan jasalǵan memlekettik tirkeý nómirlik belgilerin ornatý";
- QR ÁQBtK-niń 590-baby 4-bóligi - "Jalǵan nemese qoldan jasalǵan memlekettik tirkeý nómirlik belgileri (belgi) bar kólik quralyn basqarý, sondai-aq, memlekettik tirkeý nómirlik belgilerin (belgisin) sáikestendirýge kedergi keltiretin nemese olardy belgileýge múmkindik beretin qurylǵylarmen jáne materialdarmen jabdyqtalǵan memlekettik tirkeý nómirleri bar kólik quralyn júrgizý";
- QR ÁQBtK-niń 603-baby 3-bóligi - "Jedel jáne arnaiy qyzmetterdiń kólik quraldarynyń arnaiy tústi shemalaryn kólik quralynyń syrtqy betterine zańsyz qoldaný".
