Almatyda jalǵa alynǵan kólikti satpaq bolǵan jas jigit ustaldy, dep habarlaidy "Ult aqparat".
Almaty qalalyq Politsiia departamenti málim etkendei, 25 jastaǵy N.esimdi azamat «Toyota Land Cruiser 200» kóligin jalǵa alyp, ony sait arqyly satpaq bolǵan.
«Habarlandyrý kólik baǵasynyń naryqtan eki ese tómen suraýymen nazar aýdartty. Kúdikti bireýdiń kóligin tez satýdy kózdegen. Arzan baǵa suraǵan kólikti satyp alýshy da tabylǵan. Ol kúdiktiniń qujattardy joǵalǵannan keiin qalpyna keltirýge bolady degen sózine sengen. Mundai quqyq buzýshylyq QR QK-niń 190-baby boiynsha tergeledi», - dedi Áýezov aýdandyq politsiia basqarmasynyń bastyǵy Ulan Ábilhaiyr.
Kúdikti qamaýǵa alyndy. Tergeý amaldary júrip jatyr.
