Almatyda jappai tártipsizdik kezinde zardap shekken shaǵyn jáne orta biznes sýbektileri 3 aiǵa kommýnaldyq shyǵyndardan bosatylady. Bul týraly qala ákiminiń orynbasary Iliias Óserov onlain brifing barysynda aitty, dep habarlaidy QazAqparat.
«Jergilikti biýdjet esebinen qandai shyǵyndar jabylatynyn túsindirgim keledi. Bul - jylý, gaz, sýmen jabdyqtaý, káriz, elektr qýaty. Zardap shekken shaǵyn jáne orta biznes sýbektileri kommýnaldyq shyǵyndardan 3 aiǵa bosatylady», - dep atap ótti ol.
Sonymen qatar, qala ákiminiń orynbasary ShOB sýbektilerin kommýnaldyq nysandardy jalǵa alý aqysynan 6 ai merzimge bosatylatynyn tilge tiek etti.
«Iaǵni, qala menshigindegi ǵimataratty jalǵa alyp otyrǵan kásipkerler alty ai merzimge jalǵa alý aqysynan tolyq bosatylady. Jekemenshik nysandarǵa keler bolsaq, bul másele ár nysannyń iesimen jeke sheshiledi. Qazir jeńildikter boiynsha kelissóz júrgizip jatyrmyz. Búgingi kúni «Silk way»,«Passaj», «TsÝM» saýda ortalyqtary zardap shekkenderdi jaldaý aqysyn tóleýden bosatýǵa daiyn ekenderin jetkizdi», - deidi Iliias Óserov.
