Almaty qalalyq №2 Bostandyq aýdandyq sotynda oryndalmaǵan jumystarǵa shot-faktýralardy jazyp bergeni úshin kináli dep tanylǵan azamatqa qatysty qylmystyq is qaraldy, dep habarlaidy QazAqparat.
Sot 2017 jyldyń qazan aiy men 2020 jyldyń jeltoqsan aralyǵynda B. esimdi sottalýshynyń K., P., M., T. esimdi tanystarynyń atyna 4 kásiporyndy tirkegenin anyqtady.
Bul kásiporyndar naqty jumystar jasamai, jalǵan mámile jasaý arqyly jeke kásipkerlik sýbektileri - kontragentterdiń qarajatyn zańdy ainalymnan shyǵarýmen ainalysqan.
Sot otyrysy barysynda sottalýshy B. óz kinásin moiyndady.
Memleketke keltirilgen zalal 837 mln. teńgeni qurady, onyń 100 mln. teńgesi óteldi.
Aýdandyq sottyń baspasóz qyzmetiniń málimetinshe, sottyń úkimi boiynsha sottalýshy B. is júzinde oryndalmaǵan jumystarǵa shot-faktýralardy jazǵany úshin kináli dep tanyldy.
Oǵan qarjy qurylymdarynda materialdyq jaýapty laýazymdardy atqarý quqyǵynan 5 jyl merzimge aiyra otyryp, 3,6 jyl bas bostandyǵynan aiyrý jazasy taǵaiyndaldy.
Úkim zańdy kúshine engen joq.
