الماتى قالالىق №2 بوستاندىق اۋداندىق سوتىندا ورىندالماعان جۇمىستارعا شوت-فاكتۋرالاردى جازىپ بەرگەنٸ ٷشٸن كٸنەلٸ دەپ تانىلعان ازاماتقا قاتىستى قىلمىستىق ٸس قارالدى, دەپ حابارلايدى قازاقپارات.
سوت 2017 جىلدىڭ قازان ايى مەن 2020 جىلدىڭ جەلتوقسان ارالىعىندا ب. ەسٸمدٸ سوتتالۋشىنىڭ ك., پ., م., ت. ەسٸمدٸ تانىستارىنىڭ اتىنا 4 كەسٸپورىندى تٸركەگەنٸن انىقتادى.
بۇل كەسٸپورىندار ناقتى جۇمىستار جاساماي, جالعان مەمٸلە جاساۋ ارقىلى جەكە كەسٸپكەرلٸك سۋبەكتٸلەرٸ - كونتراگەنتتەردٸڭ قاراجاتىن زاڭدى اينالىمنان شىعارۋمەن اينالىسقان.
سوت وتىرىسى بارىسىندا سوتتالۋشى ب. ٶز كٸنەسٸن مويىندادى.
مەملەكەتكە كەلتٸرٸلگەن زالال 837 ملن. تەڭگەنٸ قۇرادى, ونىڭ 100 ملن. تەڭگەسٸ ٶتەلدٸ.
اۋداندىق سوتتىڭ باسپاسٶز قىزمەتٸنٸڭ مەلٸمەتٸنشە, سوتتىڭ ٷكٸمٸ بويىنشا سوتتالۋشى ب. ٸس جٷزٸندە ورىندالماعان جۇمىستارعا شوت-فاكتۋرالاردى جازعانى ٷشٸن كٸنەلٸ دەپ تانىلدى.
وعان قارجى قۇرىلىمدارىندا ماتەريالدىق جاۋاپتى لاۋازىمداردى اتقارۋ قۇقىعىنان 5 جىل مەرزٸمگە ايىرا وتىرىپ, 3,6 جىل باس بوستاندىعىنان ايىرۋ جازاسى تاعايىندالدى.
ٷكٸم زاڭدى كٷشٸنە ەنگەن جوق.
