Sot sheshimimen «Shuǵyla» shaǵynaýdanyndaǵy zańsyz salynyp jatqan turǵyn úi keshenin súrý bastaldy, dep habarlaidy QazAqparat.
«Almaty ákimi Erbolat Dosaevtyń tapsyrmasy boiynsha turǵyndardyń kóptegen ótinishterine bailanysty ǵimaratty buzý týraly másele kóterildi. Qala turǵyndarynyń shaǵymdary negizinde qala qurylysyn baqylaý basqarmasy nysanǵa tekserý júrgizdi. Sáýlet, qala qurylysy jáne qurylys qyzmeti salasynda buzýshylyqtar anyqtalyp, hattamalar toltyryldy»,- dep habarlady qalalyq ákimdikten.
Nátijesinde sot qaýlysymen qalanyń qala qurylysyn baqylaý basqarmasynyń talap-aryzy qanaǵattandyryldy.
Almaty qalalyq soty qurylysty buzý týraly sheshim qabyldady.
Kópqabatty turǵyn úi keshenin buzý 1 shildede sot oryndaýshylarynyń qatysýymen bastaldy.
