Foto: UQK baspasóz qyzmeti
Almatyda Ulttyq qaýipsizdik komiteti Aýǵanstannan Eýropaǵa zańsyz kóshi-qon uiymdastyrǵandar ustady, - dep habarlaidy «Ult aqparat».
UQK ShQ «Almaty» shekaralyq baqylaý basqarmasy Almatynyń UQK departamentimen birlese, prokýratýra organdarynyń úilestirýimen Qazaqstan aýmaǵy arqyly Aýǵanstan azamattarynyń Reseige jáne odan ári Eýropa elderine zańsyz kóshi-qon arnasynyń jolyn kesti.
«16 naýryzda laýazymdy tulǵaǵa 5 myń AQSh dollary kóleminde para berý áreketi kezinde Aýǵanstannyń 4 azamaty ustaldy. Tergeý materialdaryna sáikes, bul qarajat sheteldikterdi Ispaniia men Portýgaliianyń jalǵan tólqujattary boiynsha Almaty halyqaralyq áýejaiy arqyly tasymaldaýdy uiymdastyrýǵa arnalǵan», - delingen habaralamada.
Qylmystyq kodekstiń 394-baby 1-bóliginde jáne 367-babynda kózdelgen qylmys belgileri boiynsha sotaldy tergep-tekserý júrgizilip jatyr.
Sottyń sanktsiiasy boiynsha, ustalǵan adamdarǵa qamaýda ustaý túrindegi bultartpaý sharasy qoldanyldy. Qylmystyq-protsestik kodekstiń 201-babynyń 1-bóligine sáikes ózge de aqparat jariia etýge jatpaidy.
