Almatyda zańger áieldi óltirgen kúdikti ustaldy, dep habarlaidy "Ult aqparat" Polisia.kz Telegram-arnasyna silteme jasap.
"Almaty qalasynda jedel-izdestirý is-sharasyn júrgizý barysynda 1971 jyly týǵan N. esimdi azamat ustaldy. Ol QR QPK-niń 128-babyna sáikes ýaqytsha ustaý izoliatoryna qamaldy. Kisi óltirý deregi boiynsha tergeý jalǵasyp jatyr" - delingen habarlamada.
Aita keteiik, tergeý barysy QR IIM men Almaty qalalyq PD basshylyǵynyń baqylaýynda.
Eske salaiyq, oqiǵa 8 qazanda saǵat 23.00 shamasynda qalanyń Almaly aýdanynda bolǵan. Kóptegen pyshaq jaraqatymen qaladaǵy jaqyn jerdegi aýrýhanaǵa jetkizilgen 1980 jyly týǵan A. esimdi áiel 12 qazanǵa qaraǵan túni meditsinalyq mekemede qaitys bolǵan. Keiin marqumnyń kúieýine izdeý jariialanǵan.
