Almatyda «Izgilik elshisi – Akselerator dobra» respýblikalyq volonterler sezi ótti, dep habarlaidy "Ult aqparat".
Bul jiyn barysynda Qazaqstandaǵy jańa volonterlik baǵyt – quqyqtyq kómek boiynsha erikti kómek kórsetý jobasy tanystyryldy.
Atalǵan respýblitkalyq volonter qozǵalysy qatarynda Qazaqstannyń túkpir-túkpirinde 3000-ǵa jýyq volonter jumys isteidi. Olar áleýmettik, inkliýzivti, quqyqtyq kómek kórsetýmen ainalysady.
«Izgilik elshisi – Akselerator dobra» jobasynyń jetekshisi Ainur Sábitova Memleket basshysy volonterlerge 7 basym baǵytty mindettegenin aitty.
«Memleket basshysy muny memlekettik organdarǵa tapsyrma etip bergeni erekshe este qaldy. Bul korporavtiti volonterlik retinde tiimdi jumys bolatyny anyq. Barlyq memlekettik qurylym men memlekettik qyzmetkerler jastarymyzǵa osy qyzmetti júzege asyrýǵa kómektesse deimiz. Búginde kóptegen memlekettik qurylymdar ún qosyp jatyr. Munda ádilet organdarynyń, «Qazaqstan zańgerler odaǵy» resýpblikalyq uiymynyń ókilderi otyr. Osy tulǵalarmen birigip muqtaj adamdarǵa kómek kórsetemiz», - dedi Ainur Sábitova.
Qala ákiminiń orynbasary Erjan Babaqumarov Volonter jyly búkil Qazaqstandaǵy eriktiler qozǵalysynyń damýyna tyń serpin beretinin aitty
«Ákimdik 2020 jylǵy jumys josparyn jasady. Jastardyń barlyq usynystary sol qujatta kórinis tapty. Tolyqtyratyn tustaryńyz bolsa, tyńdaýǵa ázirmiz. Búginde qalada volonter jumysyn júrgizetin arnaiy shtab qurylady. Ol jerde volonterler mektebi ashylady. Sonymen qatar áleýmettik, sport, eko-volonterlik, zań, korporativti baǵytta jumys júrgiziledi», - dedi ákim orynbasary.
