Foto: QMA baspasóz qyzmeti
Almatyda jalǵan shot-faktýra jazýmen ainalysqan uiymdasqan qylmystyq toptyń bes múshesi sottaldy, dep habarlaidy "Ult aqparat" Qarjylyq monitoring agenttigine silteme jasap.
Almatyda UQT-nyń bes múshesi qarajattardy «qolma-qol aqsha túrinde shyǵaryp berýmen» jáne jalǵan shot-faktýralardy jazýmen ainalysqan. Bul derek boiynsha sotqa deiingi tergep-tekserýdi QMA Almaty qalasy boiynsha departamenti aiaqtaǵan.
Anyqtalǵandai, UQT músheleri mekemelerge júieli túrde ekinshi deńgeili bank shottarynan qarajattardy zańsyz «qolma-qol aqsha túrinde shyǵaryp bergen». Baqylaýyndaǵy 17 kommertsiialyq kompaniia arqyly 5 mlrd teńgeden astam somaǵa kommertsiialyq uiymdarǵa qurylys-montaj jumystary, kólik qyzmetteri jáne halyq tutynatyn taýarlardy jóneltý boiynsha qyzmet kórsetýge jalǵan shot-faktýralar jazyp berý arqyly salyq tóleýden jaltarýǵa kómektesken.
Qylmystyq top uiymdastyrýshylary «bir kúndik firmalardy» jaqyn týystary men tanystarynyń attaryna tirkegen.
Sot úkimimen bes aiyptalýshy kináli dep tanylyp, 2 jyldan 7 jylǵa deiin bas bostandyǵynan aiyryldy.
"QMA «kóleńkeli» ekonomikanyń úlesin azaitý jáne adal kásipkerlik sýbektileriniń quqyqtary men múddelerin qorǵaýdy qamtamasyz etý boiynsha jumysty turaqty túrde jalǵastyrady.
Eger siz ókilettikterdi teris paidalaný, qarajatty jymqyrý nemese basqa da ekonomikalyq quqyq buzýshylyqtar faktileri jaily bilseńiz, "AFM Insider" telegram botyna habarlaýyńyzdy suraimyz.
Anonimdilikke kepildik beriledi" - delingen habarlamada.
