© AP Photo / Vladimir Tretyakov
Almatyda qańtar oqiǵasy kezinde politsiia departamentiniń qyzmetkerlerine oq jaýdyrǵan snaiperdiń kim ekeni anyqtaldy. Bul týraly Bas prokýratýranyń 1-qyzmet bastyǵynyń orynbasary Eldos Qilymjanov málimdedi, dep habarlaidy Sputnik Qazaqstan.
Arnaiy prokýrorlar sot molekýliarlyq-genetikalyq saraptama arqyly Almaty qalasynda kóz jumǵan snaiperdiń jeke basyn anyqtaǵan.
"Barlyǵy 4 oq atýshy boldy. Snaiperdiń denesin jaqtastary ózderimen birge alyp ketip, qalalyq aýrýhana mańyna qaldyryp ketken", - dedi Qilymjanov.
Ol "S" esimdi azamat bolyp shyqqan. Qańtar oqiǵasy kezinde ol turǵyn úidiń shatyryna shyǵyp, Almaty qalasy politsiia departamentiniń qyzmetkerlerine oq atqan.
Qazirgi tańda qalǵan úsh terroristi anyqtaý úshin jedel izdestirý sharalary júrgizilip jatyr, dedi bas prokýratýra.
