Almatyda úi órtenip, eki adam qaza tapty, dep habarlaidy QazAqparat.
Almaty qalalyq Tótenshe jaǵdailar departamentiniń málimetinshe, 28 qazan kúni saǵat 10:48-ta Medeý aýdany Keńsai-2 shaǵyn aýdanynda ornalasqan «Molodoi sadovod» meken-jaiynda órt shyqqany týraly habarlama túsken.
«Biik taýly jerge qaramastan, oqiǵa ornyna iaǵni saiajaiǵa órt sóndirýshiler jedel kóterildi, kelgen sátte 40 sharshy metr aýmaǵynda ashyq jalynmen 2 qabatty saiajai úii men aýladaǵy qurylystardyń órtenip jatqanyn anyqtady. Dereý órtoqpandary engizilip, órt sóndirý avtotsisternalardan sý úzdiksiz qamtamasyz etildi. Qysqa merzimde órttiń kórshi ǵimarattarǵa taralý qaýpi joiyldy. Órt 12 minýtta aýyzdyqtalyp, 11:40-ta sóndirildi. Órtti sóndirýge jeke quramnan 20-dan astam adam, 5 birlik tehnika jumyldyryldy», - dep habarlady departamentten.
Vedomstva málimetinshe, 1971 jyly týǵan oqiǵa kúágeri, kórshi Baqytjan Qaǵazbekov janyp jatqan úige kirip kúiik alsa da, 62 jastaǵy áieldi qutqaryp qaldy, ol №4 qalalyq aýrýhanaǵa jetkizildi. Baqytjan ózi aýrýhanaǵa jatýdan bas tartty.
Órtti sóndirý barysynda 47 jastaǵy er adam men 51 jastaǵy áieldiń denesi tabyldy. Kórshilerdiń aitýynsha, bul jerde alkogol ishimdikter jii ishiledi. Qyrkúiek aiynda Medeý aýdandyq Tótenshe jaǵdailar basqarmasynyń qyzmetkerleri osy úidiń turǵyndarymen qaýipsizdik erejelerin saqtaý týraly túsindirme áńgime júrgizgen bolatyn.
