2016 jyly 10 qazanda UQK qyzmetkerleri radikaldy top múshelerin ustaǵan, olar qoldan jasalǵan jarylǵysh zattarymen prokýratýra, IID jáne UQKD ǵimarattarynda jarylys uiymdastyrýdy josparlaǵan. Bul týraly QR UQK kaz.tengrinews.kz redaktsiiasynyń resmi saýalyna bergen jaýabynda aitylady.
Vedomstvodaǵylar qazirgi ýaqytta tergeý barysynda qylmystyq iske qatysty radikal toptyń basshysyn anyqtaý sharalary júrgizilip jatqanyn aitady. "Qoldan jasalatyn jarylǵysh zattardy olar erkin saýdadaǵy himiialyq zattar men tehnikalyq qurylǵylardan jasaǵan. Osy adamdardyń buryndary ustalǵan Rýslan Kúlekbaevqa qatysynyń bar-joǵy týraly málimet joq", - dedi UQK-degiler. Ustalǵandarǵa qatysty sotqa deiingi tergeý sharalary QR Qylmystyq kodeksiniń 24-babynyń 1-bóligi ("Qylmysqa daiyndalý jáne qylmysqa oqtalý") jáne 255-babynyń 2-bóligi ("Terrorizm aktisi") boiynsha júrgizilip jatyr.
Aita keteiik, osyǵan deiin habarlanǵandai, UQK qyzmetkerleri radikaldy toptyń úsh múshesin ustaǵan. Olardan qoldan jasalǵan jarylǵysh zattar, dáni-ekstremisttik materialdar sonyń ishinde lańkestik jasaýǵa shaqyratyn materialdar tárkilengen. "Osy jyldyń basynan bastap Almatyda UQK qyzmetkerleri 39 radikaldy oidaǵy qylmyskerlerdiń jolyn kesken. Jedel-tergeý sharalary áli de jalǵasyp jatyr", - dedi Ulttyq qaýipsizdik komitetindegiler.
Eske salaiyq, 18 shildede Almatyda terroristik akt bolǵan edi. Belgisiz er adam Almaly aýdandyq IIB men UQK departamentine qarýly shabýyl jasady. Oqiǵa saldarynan bes adam, onyń ishinde úsh politsiia qyzmetkeri qaza tapty. Qalada terrorlyq qaterdiń qyzyl deńgeii jariialandy. Qylmysker ustaldy,ol buryn isti bolǵan Qyzylorda oblysynyń týmasy Rýslan Kúlekbaev bolyp shyqty.
