Almatyda er adamdy aiýandyqpen óltirý oqiǵasy tirkeldi, - dep habarlaidy Tengrinews.kz agenttigi.
Marqumnyń týystarynyń aitýynsha, bul oqiǵa 26 qarashaǵa qaraǵan túni bolǵan. Kisi óltirý týraly aqparat áleýmettik jelilerde jariialandy.
"Saǵat 00:00-00:08 shamasynda tórt er adam 1974 jyly týylǵan S.V.-ny aiýandyqpen óltirgen. Dosyn shyǵaryp salýǵa shyqqan V. úiine qaita oralmaǵan. Ol - úiiniń jalǵyz asyraýshysy. Al kúdiktiler - jaqyn mańda jumys isteitin jumysshylar. Olardy birneshe márte mas kúiinde kórgen adamdar bar. Olar V.-ny qatty soqqyǵa jyqqan. Biraq, úsh qylmysker de bostandyqta júr", - dep jazdy marqumnyń týystary.
Almaty Politsiia departamenti tergeý júrip jatqanyn habarlady.
"Bul qylmysqa qatysty kúdiktilerge qatysty tergeý júrip jatyr. Aldyn ala málimet boiynsha, mas kúiinde bolǵan er adamdar arasynda janjal shyǵyp, keiin tóbelesken. Qylmystyń ózge de mán-jailary sotaldy tergeý barysynda anyqtalady. QR Qylmystyq kodeksiniń 99-babynyń 2-bóligi boiynsha Jetisý aýdanynda tirkeldi", - delingen habarlamada.
