Almatyda Alash arystaryna arnalǵan «Úsh arys» kitabynyń tusaýkeseri ótti, dep habarlaidy "Ult aqparat".
Bul kitap belgili qazaq qalamgerleri Sáken Seifýllin, Beiimbet Mailin, Iliias Jansúgirovtiń týǵanyna 125 jyl tolýyna orai jaryq kórdi.
Sondai-aq, merekelik shara QR Jazýshylar odaǵynyń jáne «Qazaq ádebieti» gazetiniń 85 jyldyq mereitoiymen tuspa-tus kelip otyr.
«TÚRKSOI 25 jyldan astam ýaqyt boiy túrki áleminiń mádeni murasyn halyqaralyq deńgeide nasihattaý, saqtaý jáne zertteý jumystaryn belsendi atqaryp keledi. Uiym jyl saiyn túrki áleminiń mádenieti men óneriniń damýyna qomaqty úles qosqan kórnekti mádeniet qairatkerleriniń mereitoilaryna orai ataýly jyl jariialap, mádeni shyǵarmashylyq sharalar (kontsertter, kórmeler, qoiylymdar, ǵylymi-praktikalyq konferentsiialar) uiymdastyrý arqyly olardyń atyn dúniejúzilik qaýymdastyqqa tanytyp jatyr. Bul basylymda qazaq ádebietiniń «Úsh arysy», qýǵyn-súrgin qurbandary - Sáken Seifýllin men Iliias Jansúgirov, Beiimbet Mailinniń týǵanyna 125 jyl tolýyna orai Qazaqstan sýretshileriniń qalamgerlerdiń shyǵarmashylyǵyna qatysty jazǵan kórkem týyndylary toptastyrylǵan», - dedi TÚRKSOI uiymy bas hatshysynyń orynbasary Asqar Turǵanbai.
