Megapolis ákimi Baqytjan Saǵyntaev Qazaq Auyl kesheniniń qurylys barysyn tekserdi, dep habarlaidy QazAqparat.
Qazaq Auyl ekologiialyq keshen ulttyq naqyshta Kim-Asar shatqalynda salynyp jatyr. Onda meiramhana, 15 qonaqúi jáne is-sharalarǵa arnalǵan amfiteatr ornalasatyn bolady. Joba boiynsha meiramhanany media Park Hotel qonaqúi-turǵyn úi keshenimen jáne vizit-ortalyǵymen qosý kózdelgen. Vizit-ortalyq úshin aqparattyq qyzmetter kórsetiletin jáne týristik jabdyqtar satylatyn jeke úi-jai qarastyrylǵan.
Qazaq Auyl jalpy alańy – 1,3 ga, úi-jailardyń alańy – 850 sharshy metr. Investitsiia kólemi – 800 mln teńge. 2022 jyly 20 jumys ornyn qurýmen ekokeshendi paidalanýǵa berý josparlanǵan.
Joba ekologiialyq týrizmdi damytýdy eskere otyryp ázirlendi. Bul jalpy abattandyrýda, ýchaskeniń josparlaý qurylymynda jáne keshen qurylymyn quraityn obektilerdiń kompozitsiialyq sheshiminde kórinis tapty.
Qoǵamdyq tártipti qamtamasyz etý, tótenshe jaǵdai týyndaǵan kezde adamdardy kúzetý, evakýatsiialaý jáne qutqarý úshin mamandandyrylǵan avtokóliktiń qoljetimdiligi kózdelgen.
