Túrik-korei konsortsiýmy - "ÚAAAJ Investitsiialar jáne operatsiialar" JShS Almaty tasjolynyń qurylysy aiaqtalyp, Úlken Almaty ainalma avtojoly (ÚAAAJ) boiynsha avtomobil qozǵalysy qashan ashylatynyn habarlady, - dep habarlaidy Tengrinews.kz.
Kompaniia málimetinshe, bekitilgen kestege sáikes, ÚAAAJ qurylysy 2024 jyldyń aiaǵynda aiaqtalady dep kútiledi.
"Qurylys jumystaryn merziminen buryn aiaqtaý josparda bar, biraq bul másele jol jamylǵysynyń qurylysynda mańyzdy ról atqaratyn aýa raiy jaǵdaiyna bailanysty. Búginde jumys 75 paiyzǵa aiaqtalǵan. ÚAAAJ qurylysy jumystary aiaqtalǵannan keiin qozǵalys ashylady", - dedi "ÚAAAJ Investitsiialar jáne operatsiialar" ókilderi.
ÚAAAJ jobasy aiasynda Almaty-Bishkek, Almaty-Shamalǵan, Komsomol-Japek batyr, Almaty-Qonaev, Almaty-Esik, Almaty-Talǵar avtomobil joldarymen qiylystarda eki deńgeidegi 6 jolairyq jáne ÚAAAJ-dyń Almaty-Qaskeleń avtojolymen (Jandosov kóshesi) túiisken jerinde bir ainalma jol salynyp jatyr.
"Kórsetilgen jolairyqtardyń ishinde Almaty-Qaskeleń ainalma jolynda, sondai-aq eki deńgeili úsh jolairyqta: Almaty-Qonaev, Almaty-Esik, Almaty-Talǵar jolairyǵynda asfaltbeton jabynyn tóseý jumystary aiaqtaldy. Sondai-aq, eki deńgeili úsh jolairyqta: Almaty-Qonaev, Almaty-Esik, Almaty-Talǵar. Qalǵan úsh - Almaty-Bishkek, Almaty-Shamalǵan, Komsomol-Jápek batyr jolairyǵynda jol ótkelderin salý jumystary tolyǵymen aiaqtaldy, endi jol ótpelerin uiymdastyrý jumystary júrgizilip jatyr", - dep qosty bas merdiger.
Úlken Almaty ainalma avtojolynyń uzyndyǵy 66 shaqyrym bolady.
