Almatyda Túrki álemi derekti filmderi IV Halyqaralyq festivaliniń qazaqstandyq baǵdarlamasy ótip jatyr. Aýqymdy sharany T.Júrgenov atyndaǵy Qazaq ulttyq óner akademiiasynyń qoldaýymen Túrki álemi jýrnalisteri federatsiiasy jáne ál-Farabi atyndaǵy Qazaq ulttyq ýniversiteti uiymdastyrǵan, - dep habarlaidy "Ult aqparat".
Qazan aiynyń basynda Ystanbulda (Túrkiia) ashylǵan kinofestival biyl toǵyz qatysýshy eldiń jetekshi seriktes-ýniversitetterinde ótip jatyr. Kinofestivalde Túrkiia, Qazaqstan, Túrikmenstan, Bosniia jáne Gertsegovina, Qyrǵyzstan, Ázerbaijan, Ózbekstan, Majarstan, Makedoniia, Kipr elderiniń úzdik jumystary qatysýda. Filmder áleýmettik, mádeni, rýhani jáne qoǵamdyq mańyzdy taqyryptar men jastar tárbiesin qamtidy.
Sharanyń saltanatty ashylýyna kinematografiianyń ańyzyna ainalǵan, túrki áleminiń tanymal akteri men rejisseri Asanáli Áshimov, Túrki álemi jýrnalister federatsiiasynyń prezidenti Menderes Demir jáne basqa da sheteldik qurmetti qonaqtar, sondai-aq kinodokýmentalister men filmderdiń avtorlary, qoǵam men mass-media ókilderi, Almatynyń stýdentteri qatysýda.
