Almatyda turǵyndardy aldaǵan taǵy bir rieltordyń áreketi áshkere boldy, – dep habarlaidy Polisia.kz.
Jetisý aýdandyq Politsiia basqarmasynyń málimeti boiynsha, A.esimdi azamatsha páterdi naryqtaǵy baǵadan tómen baǵaǵa jalǵa berý týraly habarlandyrýlar salǵan.
– Klienttermen kezdesip, jalǵa berý shartyn jasaǵan. Sonymen qatar, ol jóndeý jumystaryna bailanysty jańa qonaqtardy ornalastyrmas buryn olarǵa páterdi kórsete almaitynyna sendirdi. Klientterden júz paiyz tólem aldy. Aqshany alǵannan keiin áiel bailanysqa shyǵýyn toqtatqan. Kúdikti qamaýǵa alyndy. Bizdiń bólimshede alaiaqtyq faktisi boiynsha QR QK-niń 190-baby 1-bóligine sáikes qylmystyq is tergelýde. Isti qaraý barysynda onyń kem degende osyǵan uqsas toǵyz epizodqa qatysy bolýy múmkin ekeni anyqtaldy. Keltirilgen shyǵynnyń jalpy somasy 500 myń teńgeden asty, – deidi Jetisý aýdandyq PB bastyǵynyń orynbasary Ashat Dáýletiiarov.
Tergeý kezeńinde ustalǵan adamǵa qatysty qamaýǵa alý túrindegi bultartpaý sharasy tańdaldy. Ol ýaqytsha ustaý izoliatoryna qamaldy.
