Almatyda 15 tamyzda jaýǵan jańbyr saldarynan qala aýdandaryndaǵy keibir jeke turǵyn úiler, irgeles jatqan aýlalar, jertóleler men kólik qiylystary sý astynda qaldy, dep habarlaidy QazAqparat.
Almaty qutqarý qyzmetindegi «109» nómirine turǵyndardan qońyraýlar tańerteńgi saǵat 04: 31-de túse bastady. Barlyǵy 13 shaǵym tústi. Qutqarýshylar negizinen Alataý aimaǵyndaǵy mekenjailarǵa attandy. Onda sý basý qaýpi boldy. Aqbulaq yqshamaýdanyndaǵy Beisekbaeva kóshesindegi sý sorý jumysy qazir aiaqtaldy. Munda tórt jeke turǵyn úidi jańbyr sýy basqan.
Samadi, Nurpeiisov jáne Sýhe-Bator kóshe turǵyndarynan «109» nómirine qońyraýlar kóptep túsken. Turǵyndar aýlany, jertóleni jáne jeke turǵyn úilerdi sý basqandyǵy týraly shaǵymdanǵan. Bul mekenjailar boiynsha Alataý aýdanynyń merdigerler kompaniialary jumys istedi.
Áýezov aýdanynda Raiymbek dańǵyly men Sain kóshesiniń qiylysy da jańbyr sýynyń astynda qaldy. Sý basý zardaptaryn aýdan ákimshiligi jáne «Almaty Sý» kommýnaldyq qyzmeti birlesip joidy.
Qutqarý jumystaryna Almaty qalalyq qutqarý qyzmetiniń 9 qyzmetkeri, 2 tehnika jáne 4 sý sorǵysh motor jumyldyryldy.
