Almatyda túnde jarys uiymdastyrǵan júrgizýshilerge 1,6 mln teńge aiyppul salyndy, dep habarlaidy "Ult aqparat".
Almaty qalalyq politsiia departamentiniń basshysy Qanat Taimerdenovtyń aitýynsha, jarysty kóbine jastar uiymdastyrady.
«Jastar qaýip tóndirip, qala kóshelerinde jarys uiymdastyrady. Sonymen qatar, olar kólikterine ózgeris engizip, tyiym salynǵan jabdyqty, onyń ishinde túnde qatty dybys shyǵaratyn rezonatorlardy ornatady. Bul qala turǵyndarynyń shaǵymdaryna sebep bolady. Osyndai faktilerdi toqtatý maqsatynda politsiianyń aldyńǵy sheptegi bólimsheleri apta saiyn reid ótkizedi», - deidi ol.
Sonymen qatar, ol jyl basynan beri 65 júrgizýshi ákimshilik jaýapqa tartylǵanyn jetkizdi.
Salynǵan aiyppul mólsheri - 1,6 mln teńge.
«Bul sharalar jol qaýipsizdigi deńgeiin arttyrýǵa baǵyttalǵan. Kún saiyn keshke jáne túnde joldy eki patrýldik nariad baqylaidy», - dedi Almatynyń bas politseii.
