الماتىدا تٷندە جارىس ۇيىمداستىرعان جٷرگٸزۋشٸلەرگە 1,6 ملن تەڭگە ايىپپۇل سالىندى, دەپ حابارلايدى "ۇلت اقپارات".
الماتى قالالىق پوليتسييا دەپارتامەنتٸنٸڭ باسشىسى قانات تايمەردەنوۆتىڭ ايتۋىنشا, جارىستى كٶبٸنە جاستار ۇيىمداستىرادى.
«جاستار قاۋٸپ تٶندٸرٸپ, قالا كٶشەلەرٸندە جارىس ۇيىمداستىرادى. سونىمەن قاتار, ولار كٶلٸكتەرٸنە ٶزگەرٸس ەنگٸزٸپ, تىيىم سالىنعان جابدىقتى, ونىڭ ٸشٸندە تٷندە قاتتى دىبىس شىعاراتىن رەزوناتورلاردى ورناتادى. بۇل قالا تۇرعىندارىنىڭ شاعىمدارىنا سەبەپ بولادى. وسىنداي فاكتٸلەردٸ توقتاتۋ ماقساتىندا پوليتسييانىڭ الدىڭعى شەپتەگٸ بٶلٸمشەلەرٸ اپتا سايىن رەيد ٶتكٸزەدٸ», - دەيدٸ ول.
سونىمەن قاتار, ول جىل باسىنان بەرٸ 65 جٷرگٸزۋشٸ ەكٸمشٸلٸك جاۋاپقا تارتىلعانىن جەتكٸزدٸ.
سالىنعان ايىپپۇل مٶلشەرٸ - 1,6 ملن تەڭگە.
«بۇل شارالار جول قاۋٸپسٸزدٸگٸ دەڭگەيٸن ارتتىرۋعا باعىتتالعان. كٷن سايىن كەشكە جەنە تٷندە جولدى ەكٸ پاترۋلدٸك نارياد باقىلايدى», - دەدٸ الماتىنىڭ باس پوليتسەيٸ.
