26 qańtar kúni saǵat 00.00-den bastap Almaty qalasynda terrorizmge qarsy operatsiia rejiminiń jáne terroristik qaýiptiliktiń «qyzyl» deńgeiiniń kúshi joiylady, dep habarlaidy QazAqparat.
Terrorizmge qarsy kúres jónindegi qalalyq jedel shtab Almatydaǵy jaǵdaidyń turaqtanǵanyn málim etti.
«Qala aýmaǵynda qabyldanǵan qaýlyǵa sáikes, 26 qańtarda saǵat 00:00-den bastap lańkestikke qarsy antiterrorlyq is-shara rejimi toqtatylyp, lańkestik qaýiptiliktiń «qyzyl» deńgeii joiylady. Sol ýaqyttan bastap lańkestik qaýiptiliktiń joǵary «qyzǵylt sary» deńgeii belgilenedi», - delingen habarlamada.
Arnaiy jáne quqyq qorǵaý organdary jappai tártipsizdikterge qatysýshylar men uiymdastyrýshylardy anyqtaý boiynsha jedel-izdestirý is-sharalaryn jalǵastyrýda.
Terrorlyq qaýiptiń qazirgi deńgeiinde quqyq qorǵaý organdaryna qarý-jaraq pen jarylǵysh zattardy anyqtaý maqsatynda kólik quraldaryn tintýge ruqsat etilgen.
«Quqyq qorǵaý organdarynyń jumysyna túsinistikpen qarap, shydamdylyq tanytyp, olardyń zańdy talaptaryn buljytpai oryndaýyńyzdy suraimyz», - dep atap ótti terrorizmge qarsy kúres jónindegi Almaty qalalyq jedel shtaby.
