Almatyda taýdan tabylǵan 35 jastaǵy er adam qaitys boldy. Bul týraly QR TJM resmi ókili Talǵat Ýáli málimdedi, dep habarlaidy QazAqparat.
Almatynyń taýly aýmaǵynda joǵalyp ketken er adam 2 táýlikten keiin tabylǵanyn jazǵan bolatynbyz.
Qutqarýshylar zardap shekken adamdy jaiaý qaýipsiz jolmen Qumbelsý ózeni arqyly ótetin kópirge tasymaldaǵan edi. Ol ýaqytta er adamnyń jaǵdaiy aýyr bolǵan edi.
«Qutqarýshylar zardap shekken adamdy tapqan sátten bastap, jedel meditsinalyq járdemge tabys etkenge deiingi tasymaldaý ýaqyty shamamen bes saǵatty aldy.
Saǵat 20.45-te ol jedel meditsinalyq kómek brigadasy men Apattar meditsinasy ortalyǵynyń qyzmetkerlerine jetkizilgen edi. Ekinshi izdeý-qutqarý tobynda bolǵan Apattar meditsinasy ortalyǵynyń dárigeri er adamnyń qaitys bolǵanyn anyqtady», - dedi Talǵat Ýáli.
