«Tarifti investitsiǵa aiyrbastaý» baǵdarlamasy aiasynda svet, sý jáne jylýmen jabdyqtaý tarifterin ózgertý jáne tutynýdyń áleýmettik normalaryn engizý» taqyrybynda baspasóz-konferentsiiasy ótti dep habarlaidy Ult.kz .
Almaty Óńirlik kommýnikatsiialar qyzmetiniń brifinginde QR Ulttyq ekonomika ministrligi Tabiǵi monopoliialardy retteý komitetiniń Almaty qalasy boiynsha departamentiniń basshysy Ásel Býdeneeva, Almaty qalasy Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov jáne Almaty qalasy Energetika jáne sýmen jabdyqtaý basqarmasy basshysynyń orynbasary Nurbaqyt Serikbai ózgeristermen tanystyryp, tilshilerdiń suraqtaryna jaýap berdi.
«Tarifti ózgertý úshin investitsiialyq baǵdarlamamen bekitilgen strategiialyq taýarlar qunynyń, sondai-aq ekonomikalyq qyzmet túrleri boiynsha bir qyzmetkerdiń ortasha ailyq nominaldy jalaqysynyń ózgerýi negiz bolyp tabylady. Buǵan qosa, retteletin qyzmetterdi usyný kezinde tehnologiialyq tsiklde paidalanylatyn múlikti teńgerimge nemese senimgerlik basqarýǵa berý eskeriledi», - dedi Ásel Býdeneeva.
Ótinimder jobasyna sáikes 2024 jylǵa arnalǵan salalar boiynsha sýbektilerdiń tarifteri:
- Sýmen jabdyqtaý: ortasha túsim-122,38 teńge/m3 (ósim 23%), halyq úshin – 98,97 teńge/m3 (ósim 82,53%);
- Jylý energiiasyn berý, bólý jáne jabdyqtaý: ortasha tarif - 10 892,83 teńge/Gkal (ósim 12%), halyq úshin – 8 058,32 teńge/Gkal (ósim 12%);
- Ystyq sýmen jabdyqtaý: jylytý kezeńinde – 575,09 teńge/m3 (ósim 10,5%), jylýaralyq kezeńde – 529,96 teńge/m3 (ósim 10,4%).
2024 jylǵa arnalǵan taldaý nátijeleri myna sýbektiler boiynsha qabyldanǵan sheshimder:
- «Alataý Jaryq Kompaniiasy» AQ: elektr qýatyn berý qyzmetiniń tarifi 8,87 teńgeden 11,4 teńge/kVt·saǵ deiin ulǵaidy (2,53 teńgege ósti);
- ShJQ «Almaty Sý» MKK: sýmen jabdyqtaýǵa ortasha eńbek tarifi 99,41 teńgeden 107,05 teńgege deiin (ósim 11,78 teńge), halyq úshin – 54,22 teńgeden 66,00 teńgege/m3 deiin ulǵaityldy;
- Basqa tutynýshylar úshin tarif 339,28 teńge/m3 deiin ósti (ósim 20%);
- Biýdjettik uiymdar úshin 201,82 teńge/m3 deiin (ósim 11%).
Sý burýǵa arnalǵan tarif 5 teńgege kóbeidi: 53,27 teńgeden 58,13 teńgege deiin/m3 (ósim 9%). Halyq úshin tarif 4 teńgege ósti: 29,23 teńgeden 33,16 teńgege deiin/m3 (ósim 13,4%), basqa tutynýshylar úshin 150,71 teńgege/m3 (ósim 25,1%), biýdjettik uiymdar úshin - 103,05 teńgege/m3 (ósim 29,2%).
Qalanyń Energetika jáne sýmen jabdyqtaý basqarmasy basshysynyń orynbasary Nurbaqyt Serikbai habarlaǵandai, 2025 jyly Almatyda kem degende 104 km sýmen jabdyqtaý jelisin, 73 km sý burý jelisin, 39 km jylýmen jabdyqtaý jáne 120 km elektrmen jabdyqtaý jelisin jańartý josparlanǵan. Bul jyl saiyn sýmen jabdyqtaý men jylýmen jabdyqtaýdyń tozý deńgeiin 3%, al qalǵan injenerlik jelilerdi 1,2% tómendetýge múmkindik beretinin jetkizdi.
