Almatyda tapa-tal túste jas qyzdyń uialy telefonyn tartyp alǵan jigit ustaldy, dep habarlaidy "Ult aqparat".
«Buryn habarlaǵanymyzdai bul qylmysty ashý úshin tergeý-jedel toby qurylǵan bolatyn. Biz shabýyldaýshynyń kim ekenin tez anyqtadyq, alaida ony ustaý úshin biraz ýaqyt qajet boldy. Búgin qalalyq kriminaldyq politsiianyń kómegimen ustadyq. Ol - 2003 jyly týǵan K. esimdi turǵyn. Kúdikti óz kinásin tolyǵymen moiyndap, uialy telefondy satyp jibergenin aitty. Qazirgi ýaqytta, zattai aiǵaqtyń qaida ekenin anyqtaý boiynsha is-sharalar kesheni júrgizilýde», - dedi Almaly aýdandyq politsiia basqarmasynyń bastyǵy Esen Ysqaqov.
Kúdikti ýaqytsha ustaý izoliatoryna qamaldy.
Qylmystyq is boiynsha QR QK-niń 191 babyna sáikes tergeý amaldary júrgizilýde.
