Almatyda er adam arbamen bala súiretken áieldi tapa-tal túste tonap ketti, dep habarlaidy "Ult aqparat".
Qylmys deregi Saiahat mańyndaǵy aýlalardaǵy kameralardyń birine túsip qalǵan. Bul video áleýmettik jelide taralyp jatyr.
Beinekadrda túski 15:20 shamasynda basyna kepka kigen er adam arbamen balasyn súirep bara jatqan áieldiń artynan kep, tutqiyldan shabýyl jasaǵan. Ary qarai ne bolǵany belgisiz.
Politsiia departamenti atalǵan video týraly tómendegidei túsinik berdi.
«Buzaqylyq týraly habarlama 15:40-ta kezekshi pýltine tústi. Jábirlengen áieldiń aitýynsha, qylmysker onyń moinyndaǵy altyn alqany alyp ketken. Jedel túrde oqiǵa ornyna jetken politsiia qyzmetkerleri mańaidy tintip shyqty. Kúdiktiniń syrt belgileri partýl qyzmetterine taratyldy. Jetisý aýdandyq politsiiasy arnaiy jedel-tergeý tobyn qurdy. Qazir birneshe kameradaǵy video is materialdaryna tirkeldi. Kúdiktiniń kim ekendigi anyqtalyp jatyr. Bul derek QR QK 191-babymen tergeý isi reestirne tirkeldi», - dedi Politsiia Departamentiniń baspasóz qyzmeti.
