Álemdegi pandemiiaǵa bailanysty, Almaty qalasynyń epidemiologiialyq jaǵdaiyna bailanysty shaharda taǵy da karantin talaptary kúsheitildi. Bul jaǵdai elimizdegi shaǵyn jáne orta biznestiń turalap qalýyna, jumystyń toqtap qalýyna ákelip soqtyryp otyrǵany belgili. Osy oraida Almaty ákimdigi kásipkerlerdi shekteý sharalaryna túsinistikpen qaraýǵa shaqyryp, barynshy qoldaý bildirýge tyrysatynyn jetkizdi, - dep habarlaidy «Ult aqparat».
Ásirese mereke kúnderi qarsańynda kúsheitilgen karantin talaptary biraz kásip salasyna ońai soqpai tur. Bul jaǵdaidy eskergen Almaty qalasy kásipkerlik jáne investitsiia basqarmasynyń basshysy Erkebulan Orazalin mereke kúnderi qarsańynda engizilgen shekteý sharalary kásipkerler úshin «óte aýyr» ekenin aitty.
«Kásipkerler men qala turǵyndary karantin talaptaryna jaýapkershilikpen qarap, bir aptaǵa sozylatyn shekteý sharasyn saqtaýyn suraimyn. Eger biz bir apta ishinde karantin shekteýlerin saqtasaq, bul qalypty ómirge jáne tolyqqandy jumys isteýge múmkindik beredi», - dedi Erkebulan Orazalin.
Onyń aitýynsha, bul jaǵdai qaladaǵy turaqtylyqty saqtaýǵa barynsha kómektesýi kerek. Sol sebepti de Almatynyń bas sanitar dárigeri Jandarbek Bekshin qalada 21-28 naýryz aralyǵyndaǵy kezeńde qalada qatań shekteý sharalaryn engizgen bolatyn. Bul shekteý juqtyrý mehanizmin, sonymen birge juqtyrý tizbegin ajyratý boiynsha sharalardy qabyldaýǵa múmkindik beredi.
Degenmen, qaladaǵy shekteý sharalaryna renjigen kásipkerler de boldy. Sebebi bul shaǵyn jáne orta biznestiń damýyna keri áser etetinin alǵa tartyp otyr. Sonymen qatar, qarapaiym halyq ta osy shaǵyn kásip arqyly kún kóris jasap júrgendikten bul jaǵdai ońaiǵa soqpaityny belgili dep otyr. Sol sebepti de Almatyda engizilgen bir aptalyq qatań shekteý sharalaryna qatysty aqparatty kásipkerler ár túrli qabyldady.
Qazaqstan restoratorlar klýby qaýymdastyǵynyń basshysy Gúlnar Kátibaeva aitýynsha, restoratorlardyń birneshe chaty bar. Jańadan ashylǵan kásipkerlik nysandarynyń iesi bir aptaǵa jumys toqtaidy degen jańa qaýlyny jaqsy qabyldaǵan joq.degenmen túsinistikpen qaraýdan basqa shara da joq ekeni belgili.
«Qazir halyqtyń kóbi aýyryp jatyr. Onyń ishinde kásipkerlerdiń týystary da, tanystary da, ózderi de bar bolýy múmkin. Sondyqtan árine, alǵashqy emotsiialar basylǵan soń olar densaýlyqtyń mańyzdyraq ekenin túsindi. Qalypty jumys rejimine oralý úshin bir apta talapty qatań saqtap, epidemiologiialyq jaǵdaidy ońaltý qajet ekenin ózderi de aitty», - deidi Gúlnar Kátibaeva.
Osy oraida, halyqtyń suranysy boiynsha, qaladaǵy jazǵy kafelerdiń jumys isteýine ruqsat berilýi múmkin degen habar da tarady. Bul týraly qalalyq kásipkerlik jáne investitsiialar basqarmasynyń basshysy Erkebulan Orazalin málimdegen bolatyn.
«Biz jergilikti atqarýshy organdarǵa bailanysty qandai qoldaý sharalaryn qabyldai alatynymyz týraly talqylaýdy belsendi júrgizip jatyrmyz. Byltyr Almaty ákimi Baqytjan Saǵyntaev qoǵamdyq tamaqtanýǵa ýaqytsha qurylymdardy, ústelderdi, jazǵy alańdardy qandai da bir ruqsat qujattarynsyz qoiý múmkindigine kelisim berdi. Biz bul máseleni qaita qozǵadyq. Qala ákimi qoldady», - deidi Erkebulan Orazalin.
Sonymen qatar, basqarma basshysy jaqynda lokdaýnnan shyǵamyz dep úmittenetinin de atap ótti.
Esterińizge sala keteiik, Almaty qalasynyń epidemiologiialyq jaǵdaiyna bailanysty shaharda taǵy da karantin talaptary kúsheitildi. Bul jaǵdai elimizdegi shaǵyn jáne orta biznestiń turalap qalýyna, jumystyń toqtap qalýyna ákelip soqtyryp otyrǵany belgili. Osy oraida Almaty ákimdigi kásipkerlerdi shekteý sharalaryna túsinistikpen qaraýǵa shaqyryp, barynshy qoldaý bildirýge tyrysatynyn jetkizdi. Degenmen, sońǵy kúnderdegi jaǵdaiǵa bailanysty, Almatynyń bas sanitar dárigeri Jandarbek Bekshin engizilgen bir aptalyq shekteýlerdi sáýir aiynyń 12-ine deiin uzartatynyn málimdedi. Osylaisha, endi almatylyqtar sáýir aiynyń ortasyna deiin osyndai shekteýlermen qalatyn bolyp otyr.
