Almatyda taǵy bir qarý-jaraq arsenaly tabyldy, dep habarlaidy QazAqparat.
Qarý-jaraq jasyrylǵan oryndy Almaty qalasyndaǵy LA-155/18 Qylmystyq-atqarý júiesi departamenti qyzmetkerleri anyqtady.
«Almaty qalasynda jappai tártipsizdikterge qatysqany úshin ustalǵan, qamaýǵa alynǵan azamattardan qarý-jaraq pen oq-dárilerdiń jasyrylǵan orny týraly aqparat alyndy. Ol qalanyń kriminaldyq politsiia qyzmetkerlerine tapsyryldy. Mekememizdiń jedel bóliminiń qyzmetkerleri KPB jáne Medeý aýdandyq politsiia basqarmasyndaǵy áriptesterdiń kómegimen Medeý traktine aparatyn orman beldeýinde jasyryn qoimanyń ornalasqan jeri anyqtaldy. Kúdiktiler qarý-jaraq pen oq-dárilerdi jasyryp qoiǵan. Aita keterligi, kúdiktiler qarý-jaraq jasyrylǵan jerdi jyldam tabý úshin janyndaǵy aǵashqa iz qaldyrǵan. Negizi biz sol arqyly taptyq», – dedi Almaty qalasy boiynsha LA-155/18 QAJD mekemesi bastyǵynyń jedel jumys jónindegi orynbasary Azamat Amanjolov.
Tergeý-jedel tobymen revolver, sholaq myltyq, patrondar, granatalar, tútin granatalary tárkilendi.
Tabylǵan qarý-jaraq arsenaly sot-ballistikalyq saraptamaǵa jiberildi.
