Qala ákimi Baqytjan Saǵyntaev sport kesheninen, beiimdeý ortalyǵynan jáne jabyq júzý basseininen turatyn ekinshi kezektegi «Suńqar» halyqaralyq shańǵy tramplinine bardy, dep habarlaidy QazAqparat.
Sport kesheni 6 myń sharshy metrden astam aýmaqta ornalasqan. Ol ártúrli sport baǵyty boiynsha aýqymdy sharalarǵa arnalǵan: erkin, grek-rim jáne áielder kúresi, kazak kúresi, boks, dziýdo, taekvondo, mini-fýtbol, voleibol, basketbol, gandbol jáne taǵy basqalary.
Sport kesheni 1285 orynǵa eseptelgen (658 statsionarlyq otyratyn oryn, jyljymaly minbelerde – 627 oryn). Sport alańynyń kólemi – 22h42 metr, tóbesiniń biiktigi – 12 metr.
Keshen jattyǵý úshin sporttyq kerek-jaraqtarmen tolyq jabdyqtalǵan. Parket júiesine erekshe nazar aýdarylady, arnaiy jabyn sportshylardyń qaýipsizdigin qamtamasyz etedi.
7 jolǵa arnalǵan 25h16 metrlik jabyq júzý basseini túrli sý sport túrleri boiynsha iri, sonyń ishinde halyqaralyq jarystardy ótkize alady.
Sondai-aq ortalyqta saýyqtyrý jáne demalý úshin úi-jailar, dýsh, massaj kabineti, kiim sheshetin bólmeler, meditsinalyq kabinet, saýna jáne jattyqtyrýshy bólmeleri qarastyrylǵan. BAQ úshin kommentatorlar bólmesi jáne parking bar.
Beiimdeý-jattyǵý ortalyǵynda is-sharalardy ótkizý úshin tolyq jabdyqtalǵan 108 bólme, úsh zamanaýi konferents-zal bar. 500 orynǵa arnalǵan kafe, basseini bar ashyq jazǵy alań qarastyrylǵan.
Jobaǵa 7,7 mlrd teńge investitsiia tartyldy. Almaty Business 2025 kásipkerlikti damytý óńirlik baǵdarlamasy aiasynda sporttyq qural-jabdyqtar satyp alýǵa 84 aiǵa jyldyq 6%-ben 500 mln teńge somasynda jeńildikti nesie berildi.
Osy jobany qarjylandyrý aiasynda aýtizmi bar balalardy basseinde nusqaýshymen tegin jattyqtyrý múmkindigi qamtamasyz etildi.
