Almatyda aqpannan bastap sýdyń tarifi 4%-ǵa arzandaidy dep habarlaidy "Ult aqparat".
«Sýmen qamtý jáne sý aǵyzý salasynda tarif 2014 jyldan beri ózgermegen. Basqa óńirlermen salystyrǵanda Almatyda tarif eń tómen aimaqtarǵa jatady. 2019 jyldyń 1 qańtarynan bastap sý men káriz júiesiniń tarifi 10%-ǵa arzandaǵan bolatyn. Bul quny 700 mln teńge bolatyn investitsiialyq baǵdarlamaǵa ketetin shyǵyndy ońtailandyrǵan kezde únemdeldi. Qaladaǵy monopolist «Almaty sý» 2020-2024 jylǵy tarifti bekitýge ótinim bergen bolatyn. Ótinimdi qarai kele Departament sýmen qamtý tarifin 4%-ǵa azaitty. Júktemeniń kópshiligi biýdjettik uiymdarǵa, zańdy tulǵalarǵa jiberildi. Káriz júiesiniń tarifi sol kúiinshe qaldy», - dedi Almatyda ótken brifing barysynda QR UEM Tabiǵi monopoliialardy retteý departamentiniń basshysy Bolat Sambetov.
Onyń aitýynsha, 5 jylǵa bekitilgen tarif 2025 jylǵa deiin ózgermeidi. Tariftiń ózgerýine tek tek strategiialyq taýar – elektr stansalarynda óndiriletin elektr energiiasynyń qymbattaýy ǵana yqpal ete alady.
«Eń arzan sý men káriz júiesi Almatyda. Aqpan aiynan bastap sýdyń tarifi 4 paiyzǵa tómendeidi», - dedi ol.
