Almaty qalasy Bostandyq aýdanynyń sot aktilerin oryndaý jónindegi bólim basshysy mindetin atqarýshy para alǵany úshin kúdikke ilindi, dep habarlaidy "Ult aqparat" QR Sybailas jemqorlyqqa qarsy agentiginiń baspasóz qyzmetine silteme jasap.
Sybailas jemqorlyqqa qarsy qyzmet Almaty qalasynyń ádilet departamentiniń ishki qaýipsizdik jáne personalmen jumys jónindegi bólimniń qyzmetkerlerimen birlesip Almaty qalasy ádilet basqarmasynyń Bostandyq aýdany boiynsha sot aktilerin oryndaý jónindegi aýmaqtyq bólimi basshysy mindetin atqarýshysyn sybailas jemqorlyq qylmysyn jasaý kúdigi boiynsha áshkereledi.
«Ol sot aktisin oryndamaý faktisi boiynsha múlikke tyiym salý sharasyn qoldanbaý jáne ishki ister organdaryna materialdaryn jibermeý úshin JShS direktorynan 2 mln teńge somasynda para aldy dep kúdiktelýde», delingen habarlamada.
Agenttiktiń baspasóz qyzmetiniń málimetinshe, kúdiktiniń kinásin tolyq moiyndaýyna jáne onyń sotqa deiingi tergeýdi jeńildetilgen óndiriste aiaqtaý týraly ótinishine bailanysty oǵan qatysty protsessýaldyq ustaý qoldanylǵan joq.
Kúdikti kinásiniń deńgeiin anyqtai otyryp, oǵan qatysty sońǵy sheshimdi sot shyǵarady.
