Almaty qalalyq qala qurylysyn baqylaý basqarmasynyń bas mamany iri kólemde alaiaqtyq jasaǵany úshin sottaldy. Bul jóninde Sybailas jemqorlyqqa qarsy is-qimyl agenttiginiń baspasóz qyzmeti habarlaidy.
Almaty qalasynyń sybailas jemqorlyqqa qarsy qyzmeti qala qurylysyn baqylaý basqarmasynyń bas mamany D. E. Seisembekovke qatysty sotqa deiingi tergeýdi aiaqtady.
«Ol zańsyz qurylysty buzý maqsatynda sotqa material jinamaǵany úshin, sondai-aq zańsyz qurylysta kommertsiiany kedergisiz júrgizý úshin jeke kásipkerden 2 600 000 teńge somasynda aqshalai qarajat alý kezinde áshkerelendi» delingen habarlamada.
15 qazanda Almaly aýdandyq sotynyń úkimimen D.E. Seisembekov iri kólemde alaiaqtyq jasaǵany úshin kináli dep tanylyp, oǵan 3 jyl, 6 ai merzimge bas bostandyǵyn shekteý jazasy taǵaiyndaldy. Ol 5 jyl boiy belgili bir qyzmetti nemese basshylyq laýazymdy atqarý quqyǵynan aiyryldy.
