الماتى قالالىق قالا قۇرىلىسىن باقىلاۋ باسقارماسىنىڭ باس مامانى ٸرٸ كٶلەمدە الاياقتىق جاساعانى ٷشٸن سوتتالدى. بۇل جٶنٸندە سىبايلاس جەمقورلىققا قارسى ٸس-قيمىل اگەنتتٸگٸنٸڭ باسپاسٶز قىزمەتٸ حابارلايدى.
الماتى قالاسىنىڭ سىبايلاس جەمقورلىققا قارسى قىزمەتٸ قالا قۇرىلىسىن باقىلاۋ باسقارماسىنىڭ باس مامانى د. ە. سەيسەمبەكوۆكە قاتىستى سوتقا دەيٸنگٸ تەرگەۋدٸ اياقتادى.
«ول زاڭسىز قۇرىلىستى بۇزۋ ماقساتىندا سوتقا ماتەريال جيناماعانى ٷشٸن, سونداي-اق زاڭسىز قۇرىلىستا كوممەرتسييانى كەدەرگٸسٸز جٷرگٸزۋ ٷشٸن جەكە كەسٸپكەردەن 2 600 000 تەڭگە سوماسىندا اقشالاي قاراجات الۋ كەزٸندە ەشكەرەلەندٸ» دەلٸنگەن حابارلامادا.
15 قازاندا المالى اۋداندىق سوتىنىڭ ٷكٸمٸمەن د.ە. سەيسەمبەكوۆ ٸرٸ كٶلەمدە الاياقتىق جاساعانى ٷشٸن كٸنەلٸ دەپ تانىلىپ, وعان 3 جىل, 6 اي مەرزٸمگە باس بوستاندىعىن شەكتەۋ جازاسى تاعايىندالدى. ول 5 جىل بويى بەلگٸلٸ بٸر قىزمەتتٸ نەمەسە باسشىلىق لاۋازىمدى اتقارۋ قۇقىعىنان ايىرىلدى.
