Almatyda jańadan iske qosylǵan 400 «Sergek» kameralary 42 million teńgege aiyppul saldy, – dep habarlaidy QazAqparat.
Politsiianyń habarlaýynsha, megopoliste segiz kúnniń ishinde 2564 jol qozǵalysy erejelerin buzý deregi tirkelgen. Ákimshilik quqyqbuzýshylyqtar kóbine jyldamdyqty asyrýmen balanysty (saǵatyna 10-20, 20-40 jáne 40-tan asa shaqyrym). Politseiler júrgizýshiler jol boiyndaǵy jol qozǵalysy erejelerinde bekitilgen talaptarǵa nazar aýdarmaitynyn da atap ótti.
Esterińizge sala keteiik, «Sergek» jyldamdyqty asyrý, baǵdarshamnyń qyzyl túsine ótý, jol belgileri men jolaqtardy elemeý, kólikti toqtatý erejesi jáne kólik quraldaryn turaqqa qoiý, sondai-aq qoǵamdyq kólikke arnalǵan jolmen júrý derekterin tirkeidi. Almaty qalalyq Politsiia departamenti júrgizýshilerden megapolis joldaryndaǵy jol erejelerin saqtaýǵa shaqyrady.
