Almatydaǵy «Sergek» kameralary on aidyń ishinde 4,5 mlrd teńgeniń zańbuzýshylyǵyn tirkedi. Bul týraly Almaty ákimi Baqytjan Saǵyntaev Ortalyq kommýnikatsiialar qyzmetinde ótken brifingte aitty, dep habarlaidy "Ult aqparat".
Baqytjan Saǵyntaevtyń aitýynsha, Almatyda jyl basynan beri 404 «Sergek» apparattyq-baǵdarlamalyq kesheni iske qosyldy, onyń 21-i Almatyǵa kirip-shyǵatyn joldarǵa ornatylǵan.
«Sergek» kameralary 10 aidyń ishinde 650 myńnan astam jol erejesin buzý faktisin tirkedi. 4,5 mlrd teńgege aiyppul salyndy onyń 2,6 mlrd nemese 57,7% óndirildi. Sondai-aq, modýldik politsiia pýnktilerin ornatý jobasy ózin aqtady. Buǵan dálel — pýnktiler ornalasqan aýdandardaǵy qylmys deńgeiiniń tómendeýi. Sonymen qatar, bul týraly jergilikti turǵyndar da aityp júr», – deidi Baqytjan Saǵyntaev.
Qoǵamdyq qaýipsizdikti qamtamasyz etýge kúndelikti 2 myńnan astam politsiia qyzmetkeri men QR IIM Ulttyq gvardiiasynyń áskeri qyzmetkerleri jumyldyrylady.
Olar 550 baǵyt boiynsha jumys isteidi, onyń ishinde 300 kólik jáne 250 jaiaý baǵyt bar.
