Foto: facebook.com/Inka Rokerovna
"Halyqtyń áleýmettik jaǵynan osal toptary" sanatyndaǵy almatylyq mektep oqýshylary balalar lagerine tegin joldamalar aldy, biraq saýna ǵimaratyna ornalastyrylǵan, - dep habarlaidy Tengrinews.kz saity.
Oqiǵa Almaty oblysy Uzynaǵash aýylynda bolǵan. Munda jazǵy demalysty demalys ornynda ótkizý úshin Almatydan ondaǵan bala ákelingen. Alaida mektep oqýshylary jaily jaǵdaidyń ornyna tar, jeldetilmeitin bólmelerge ornalasqan. Sonymen qatar, lager saýna ishinde bolǵan, syrtynda ózge er adamdar júrgen.
"Arman dala" lagerinde jaǵdai osyndai. Muny qalai túsinýge bolady? Balalardy lagerge jiberse, olardy lagerge jetpei kafe men saýnaǵa ornalastyrǵan. 100 adam jeldetilmeitin bólmede jatady. Balalar edende uiyqtaidy, uldar da, qyzdar da bir bólmede toptasyp jatady. Bul qashannan beri qalypty jaǵdaiǵa ainaldy? Men qazir, shynymdy aitsam, shoshyp kettim, olardyń qaida, ne jeitinin áli bilmeimiz.
Jaǵdai túrmedegiden de nashar. Bul óte qorqynyshty. Halyqtyń áleýmettik osal toptary sanatyndaǵy balalarymyzdy joldama arqyly demalysqa jiberdi. Negizi, olar "Altyn dala" lagerinde bolýy kerek edi. Barlyq uialy telefondy alyp alǵan, ata-analar balalarmen bailanysa almady. Ishine kirip alǵan ata-anaǵa alǵys aitamyn", - dep jazdy mektep oqýshylarynyń biriniń týysy Inka Rokerovna Facebook jelisinde.
Almaty qalalyq Bilim basqarmasy qazirdiń ózinde qajetti sharalardy qolǵa alyp jatqanyn málimdedi.
"Bilim basqarmasynyń qyzmetkerleri ata-analardan shaǵym túskennen keiin shuǵyl túrde "Arman" lagerine tekserispen bardy. Bilim basqarmasy osy uiymmen shartty buzý máselesin qaraityn bolady.
Qazirgi ýaqytta balalar óz úilerine jetkizildi, jaqyn arada balalar mektep bekitken erejelerdi qatań saqtai otyryp, lagerlerge qaita jiberiletin bolady", - dedi vedomstvo ókilderi.
