Almatyda negizgi sanitarlyq-epidemiologiialyq talaptarǵa qosymsha sharalar qabyldandy. Bul týraly Almaty qalalyq kásipkerlik jáne investitsiialar basqarma basshysy Erkebulan Orazalin málim etti, dep habarlaidy QazAqparat.
«Qaladaǵy epidemiologiialyq jaǵdaidy nazarda ustap, adamdar arasynda juqtyrýdy tómendetý úshin arnaiy sharalar qabyldandy. Endi árbir kásiporyn jańa sanitarlyq talapqa sai jumys isteidi. Máselen, árbir kásiporyn qyzmetkerleriniń 10% testiden ótkizý qajet. Bul eńbek ujymdarynyń arasynda juqtyrý qaýpin tómendetýge múmkindik beredi. infokazakhstan.kz saitynda qýattylyǵy jáne qyzmet kórsetý baǵalary kórsetilgen 12 meditsinalyq laboratoriia tizimi jariialanady. Testileýmen shamamen iri júiequrýshy kásiporyndardyń shamamen 25 myń qyzmetkerin qamtý josparlanýda», – deidi Nurlan Orazalin.
Negizgi sanitarlyq-epidemiologiialyq talaptarǵa qosymsha qabyldanǵan sharalar:
- videomonitoring – sanitarlyq normalardyń saqtalýy boiynsha videobaqylaý (maska rejimi, áleýmettik qashyqtyq, temperatýra rejimi).
- qoǵamdyq baqylaý – halyqty sanitarlyq normalardyń jappai saqtalýyna tartý maqsatynda jumys toptary qurylady.
Joǵaryda atalǵan sharalar aiasynda jaǵdaiǵa jalpy monitoring júrgizý úshin jylý kartasy qurylady, onyń bazasynda árbir nysan boiynsha baǵa berý jáne sanitarlyq talaptardyń sáikestigine kategoriia beriledi:
Jasyl – sanitarlyq normalarǵa tolyǵymen sai kelý (beinebaqylaý júiesin ornatqan jaǵdaida jáne ai saiyn qyzmetkerlerdiń jalpy sanynan 10% test júrgizý);
Qyzǵylt sary – jartylai sai kelýi (beinebaqylaý júiesin ornatqan jaǵdaida qyzmetkerlerdiń jalpy sanynan keminde 10% ai saiyn test júrgizý );
Qyzyl – sanitarlyq nomalarǵa sai kelmeý (qoǵamdyq baqylaý zertteýlerin júrgizý nátijesinde tártipbuzýshylyqtardy anyqtaý).
