Almatyda salynyp jatqan eki qabatty úi órtendi, dep habarlaidy QazAqparat tilshisi.
Órt týraly aqparat Tótenshe jaǵdailar departamentine 8 qarasha kúni saǵat 10: 41-de túsken.
«Órt sóndrýshiler Bostandyq aýdany Miras D. 29/1, meken-jaiy boiynsha joǵary dárejedegi shaqyrtýǵa shyqty. Órt sóndirýshiler kelgen sátte eki qabatty salynyp jatqan úidiń mansardy janyp jatty. Órttiń tez taralýyna shatyrdyń tez janǵysh materialdardan salynǵany sebep boldy», - dep habarlady vedomstvodan.
Jedel shtab jasaqtalyp, avtotsisternalar, órt gidranttary ornalastyrylyp, magistraldyq jeliler tartyldy.
Osylaisha sýdy úzdiksiz berý qamtamasyz etildi.
Qabyldanǵan sharalardyń arqasynda órt bir saǵatqa jetpei oqshaýlynyp, tolyq sóndirildi.
Qyzyl jalyn 280 sharshy metr jerdi sharpyǵan.
Zardap shekkender joq.
