16 qazanda Almaty qalasy Alataý aýdanynyń aýmaǵynda ornalasqan erte temir dáýiriniń avariialyq qorǵandaryndaǵy arheologiialyq qazba jumystary kezinde b.z.d. V-II saq dáýiri jaýyngeriniń jartylai buzylmaǵan qorymy tabyldy, dep habarlaidy "Ult aqparat" shahar basshysynyń baspasóz qyzmetine silteme jasap.
Ákimdik málimetinshe, qabir shuńqyrynda altynmen bezendirilgen qylyshtyń synyqtary, ań beinesindegi kiimge arnalǵan altynnan jasalǵan japsyrmalar, sondai-aq kúmis qorytpasynan jasalǵan kiimder tabyldy. Jaýynger 3 metrden astam tereńdikte ornalasqan aǵash qorapta bolǵan.
«Qazba jumystary jyl saiyn júrgiziledi, biraq mundai sátti oljalar sirek kezdesedi. Sońǵy ret 2014 jyly kiimniń altyn synyqtary tabylǵan edi», - dedi «Almaty qalasy murajailar birlestigi» KMQK direktory Lázzat Saǵyndyqova.
Atalǵan mekeme Almaty qalasy mádeniet basqarmasynyń tapsyrysy boiynsha ǵylymi-zertteý jumystaryn júrgizedi.
