16 قازاندا الماتى قالاسى الاتاۋ اۋدانىنىڭ اۋماعىندا ورنالاسقان ەرتە تەمٸر دەۋٸرٸنٸڭ اۆارييالىق قورعاندارىنداعى ارحەولوگييالىق قازبا جۇمىستارى كەزٸندە ب.ز.د. V-II ساق دەۋٸرٸ جاۋىنگەرٸنٸڭ جارتىلاي بۇزىلماعان قورىمى تابىلدى, دەپ حابارلايدى "ۇلت اقپارات" شاھار باسشىسىنىڭ باسپاسٶز قىزمەتٸنە سٸلتەمە جاساپ.
ەكٸمدٸك مەلٸمەتٸنشە, قابٸر شۇڭقىرىندا التىنمەن بەزەندٸرٸلگەن قىلىشتىڭ سىنىقتارى, اڭ بەينەسٸندەگٸ كيٸمگە ارنالعان التىننان جاسالعان جاپسىرمالار, سونداي-اق كٷمٸس قورىتپاسىنان جاسالعان كيٸمدەر تابىلدى. جاۋىنگەر 3 مەتردەن استام تەرەڭدٸكتە ورنالاسقان اعاش قوراپتا بولعان.
«قازبا جۇمىستارى جىل سايىن جٷرگٸزٸلەدٸ, بٸراق مۇنداي سەتتٸ ولجالار سيرەك كەزدەسەدٸ. سوڭعى رەت 2014 جىلى كيٸمنٸڭ التىن سىنىقتارى تابىلعان ەدٸ», - دەدٸ «الماتى قالاسى مۇراجايلار بٸرلەستٸگٸ» كمقك ديرەكتورى لەززات ساعىندىقوۆا.
اتالعان مەكەمە الماتى قالاسى مەدەنيەت باسقارماسىنىڭ تاپسىرىسى بويىنشا عىلىمي-زەرتتەۋ جۇمىستارىن جٷرگٸزەدٸ.
