Qytai Halyq Respýblikasynyń qurylǵanyna 77 jyl tolýyna arnalǵan saltanatty qabyldaýda Qazaqstandaǵy Allur zaýytynda shyǵarylatyn MG 5 sedany men MG RX9 jeti oryndyq krossoveri kórsetildi, dep habarlaidy Ult.kz.
Is-shara 22 qyrkúiekte Almatydaǵy InterContinental Almaty qonaqúiinde Qytai konsýldyǵynyń qatysýymen ótti. Jiynǵa diplomatiialyq korpýs ókilderi, halyqaralyq jáne qytailyq kompaniialar, sondai-aq otandyq biznes qaýymdastyǵy qatysty. Kezdesýdiń basty taqyryptarynyń biri Qazaqstan men Qytai arasyndaǵy ekonomikalyq jáne mádeni bailanystardy damytý boldy.
Tanystyrylǵan kólikter júrgizýshilerdiń ártúrli qajettilikterine beiimdelgen. MG 5 keń salony men syiymdy júksalǵyshy bar qalalyq sedan retinde usynylady. Kólik LED jaryqtandyrý júiesimen, Apple CarPlay jáne Android Auto fýnktsiialaryn qoldaityn mýltimediialyq júiemen, artqy kórinis kamerasymen jáne turaqqa qoiý datchikterimen jabdyqtalǵan. Qazaqstannyń klimattyq erekshelikterin eskere otyryp, kólikte oryndyqtardy, róldi, aldyńǵy áinekti jáne áinek jýǵysh búrikkishterin jylytý júiesi qarastyrylǵan.
Al MG RX9 – brendtiń flagmandyq jeti oryndyq krossoveri. Ol qýaty 214 at kúshine teń eki litrlik týrboqozǵaltqyshpen, toǵyz satyly avtomatty berilis qorabymen jáne tolyq jetek júiesimen jabdyqtalǵan. Úsh qatarly salon jeti jolaýshyǵa arnalǵan, sondyqtan kólik kúndelikti paidalanýǵa da, otbasylyq saparlarǵa da qolaily.
Qazaqstan naryǵyna arnalǵan eki model de Qostanaidaǵy Allur zaýytynda shyǵarylady. Jergilikti óndiristiń iske qosylýy MG brendiniń elimizdegi qatysý aiasyn keńeitýdiń mańyzdy kezeńderiniń biri boldy. Avtokólikterge 5 jyl nemese 150 myń shaqyrym júriske deiin kepildik beriledi. Kepildik baǵdarlamasy negizgi toraptar men agregattardy, sondai-aq aspa elementterin qamtidy.
Qazirgi tańda brend Qazaqstandaǵy dilerlik jelisin keńeitip, modeldik qataryn damytýdy jalǵastyrýda. Kompaniia britandyq murany, zamanaýi tehnologiialardy jáne jergilikti naryq talaptaryna beiimdelgen sheshimderdi ushtastyrýǵa basymdyq beredi.
MG avtokólikteri, arnaiy usynystar men dilerlik ortalyqtar týraly tolyq aqparatty MG Kazakhstan resmi saitynan jáne 3388 qysqa nómiri arqyly alýǵa bolady.
