11 jeltoqsanda «Almaty-2» stantsiiasyna kelgen poiyzda 50-den astam jolaýshy tabiǵi gazdan ýlandy. Belgili bolǵandai, vagondar ońtústikkoreialyq serial túsirý úshin kinostýdiiaǵa berilgen, dep habarlaidy Ult.kz Kriminalnyi Kazahstan telegram arnasyna silteme jasap.
Habarlamaǵa sáikes, 10 bala aýrýhanaǵa jetkizildi, olardyń ekeýi jansaqtaý bóliminde, qalǵandary profildik bólimderde jatyr. Basqa zardap shekkender ambýlatorlyq emdelýge jiberildi.
«Oqiǵa ornyna jedel járdemniń 13 brigadasy jumyldyryldy. Barlyq zardap shekkender qalalyq statsionarlardyń qabyldaý bólimderine tekseris pen meditsinalyq kómek kórsetý úshin jetkizildi. Naýqastardyń jaǵdaiy dárigerlerdiń baqylaýynda», – dep habarlady Almaty qalalyq Densaýlyq saqtaý basqarmasy.
KTJ ókilderi oqiǵaǵa qatysy joq ekenin naqtylady: poiyz jeke kompaniiaǵa tiesili jáne túsirilim úshin kinostýdiiaǵa berilgen.
Kýágerlerdiń aitýynsha, sheteldik joba túsirilip jatqan, alaida alańdaǵy jaǵdai tym aýyr bolǵan. Poiyz salqyn bolǵandyqtan, adamdardy jylytý úshin gaz janarǵysy paidalanylǵan. Osydan keiin jaǵdai baqylaýdan shyqqan. Aldymen balalar esinen tana bastaǵan — bir bala qulap tústi, artynsha basqalary da qulaǵan.
«Qatty dúrlikpe bastaldy. Alańda dáriger bolmady. Gaz jabyq vagonda jinalyp qalǵan. Balalardan keiin áielder de esinen tana bastady. Men de janynda turdym, kelesi kezek meniki ekenin túsindim. Sońynda bizdi basqa vagonǵa evakýatsiialady», – deidi oqiǵanyń kýágeri.
Ýly gazdan ýlaný faktisi boiynsha «Eńbekti qorǵaý qaǵidalaryn buzý» babymen qylmystyq is qozǵaldy.
