Almatyda politsiia qyzmetkeri qaraýsyz qalǵan qurylys nysanynan qulap, jaraqat aldy, dep habarlaidy "Ult aqparat".
Almaty qalalyq Politsiia departamentiniń málimetinshe, Alataý aýdanynyń iývenaldy politsiia qyzmetkeri qurylysy bitpegen kópqabatty úidiń tóbesine shyqqan 16-17 jas aralyǵyndaǵy jasóspirimderge eskertý jasamaq bolyp kóterilgen.
«Politsei jasósipirimdermen profilaktikalyq áńgime júrgizý kezinde súrinip, tómengi qabatqa qulap ketken. Qazirgi ýaqytta oǵan operatsiia jasaldy, biraq jaǵdaiy aýyr. Kámeletke tolmaǵandardyń ata-analaryna qatysty Ákimshilik kodekstiń 127-baby boiynsha hattama jasaldy. Jasósipirimder qaýipsiz jerge shyǵaryldy. Eshqaisysy zardap shekken joq», - dep habarlady politsiiadan.
Osy oqiǵaǵa bailanysty jaraqat alǵan politseidiń qaryndasy áleýmettik jeli arqyly qala ákimi Baqytjan Saǵyntaevtan kómek surady.
«Baqytjan Saǵyntaev myrza, qandai dáriger mamandardyń kómegi qajet ekenin anyqtap, baýyrymnyń ómirine arasha túsýińizdi suraimyn. Onyń 3 balasy, aiaǵy aýyr áieli, 80-ge kelip qalǵan qart anasy bar. Sondai-aq, birneshe jyldan beri úidi salyp bitirmegen qurylys mekemesi basshylyǵyn jaýapqa tartýyńyzdy suraimyn», - dedi ol.
