الماتىدا پوليتسييا قىزمەتكەرٸ قاراۋسىز قالعان قۇرىلىس نىسانىنان قۇلاپ, جاراقات الدى, دەپ حابارلايدى "ۇلت اقپارات".
الماتى قالالىق پوليتسييا دەپارتامەنتٸنٸڭ مەلٸمەتٸنشە, الاتاۋ اۋدانىنىڭ يۋۆەنالدى پوليتسييا قىزمەتكەرٸ قۇرىلىسى بٸتپەگەن كٶپقاباتتى ٷيدٸڭ تٶبەسٸنە شىققان 16-17 جاس ارالىعىنداعى جاسٶسپٸرٸمدەرگە ەسكەرتۋ جاساماق بولىپ كٶتەرٸلگەن.
«پوليتسەي جاسٶسٸپٸرٸمدەرمەن پروفيلاكتيكالىق ەڭگٸمە جٷرگٸزۋ كەزٸندە سٷرٸنٸپ, تٶمەنگٸ قاباتقا قۇلاپ كەتكەن. قازٸرگٸ ۋاقىتتا وعان وپەراتسييا جاسالدى, بٸراق جاعدايى اۋىر. كەمەلەتكە تولماعانداردىڭ اتا-انالارىنا قاتىستى ەكٸمشٸلٸك كودەكستٸڭ 127-بابى بويىنشا حاتتاما جاسالدى. جاسٶسٸپٸرٸمدەر قاۋٸپسٸز جەرگە شىعارىلدى. ەشقايسىسى زارداپ شەككەن جوق», - دەپ حابارلادى پوليتسييادان.
وسى وقيعاعا بايلانىستى جاراقات العان پوليتسەيدٸڭ قارىنداسى ەلەۋمەتتٸك جەلٸ ارقىلى قالا ەكٸمٸ باقىتجان ساعىنتاەۆتان كٶمەك سۇرادى.
«باقىتجان ساعىنتاەۆ مىرزا, قانداي دەرٸگەر مامانداردىڭ كٶمەگٸ قاجەت ەكەنٸن انىقتاپ, باۋىرىمنىڭ ٶمٸرٸنە اراشا تٷسۋٸڭٸزدٸ سۇرايمىن. ونىڭ 3 بالاسى, اياعى اۋىر ەيەلٸ, 80-گە كەلٸپ قالعان قارت اناسى بار. سونداي-اق, بٸرنەشە جىلدان بەرٸ ٷيدٸ سالىپ بٸتٸرمەگەن قۇرىلىس مەكەمەسٸ باسشىلىعىن جاۋاپقا تارتۋىڭىزدى سۇرايمىن», - دەدٸ ول.
