Áleýmettik jelide Almaty politseileriniń mototsikl júrgizýshisin qýyp bara jatqany túsirilgen video tarady, - dep habarlaidy Tengrinews.kz.
Almaty politsiiasy oqiǵanyń 24 tamyzda bolǵanyn málimdedi. Mototsikl júrgizýshisi jol erejesin buzǵan, al politseiler odan toqtaýdy talap etken. Mototsikl júrgizýshisi jyldamdyqty arttyryp qashyp ketpek bolǵan.
Nazar aýdaryńyz! Videoda bylapyt sózder aitylǵan!
"Bul óreskel zańbuzýshylyqtardy mamandandyrylǵan batalonnyń ekipajy anyqtady. Júrgizýshi politseilerdiń toqtaý týraly zańdy talaptaryn elemegen. Osyǵan bailanysty júrgizýshi jyldamdyǵyn azaityp, toqtaýy úshin sharalar qoldanyldy. Oǵan qatysty úsh ákimshilik hattama toltyryldy, onyń ishinde politsiia qyzmetkerleriniń zańdy talaptaryn oryndamaǵany úshin. Ekinshisi – júrgizýshi kýáliginde arnaiy sanattyń joqtyǵy úshin, úshinshi – osy kólikti tirkemegeni úshin", - dedi Almaty qalasy Jergilikti politsiia qyzmetiniń bastyǵy, politsiia polkovnigi Erjan Uzabaev.
Politseiler mototsikldiń zańda belgilengen tártip boiynsha tirkelmegenin atap ótti. Ol aiyppul turaǵyna qoiylǵan.
