©ktk.kz
Almatyda politseiler endi samokat minip júrýi múmkin. Ázirge bul ózgeris test rejiminde tek bir aýdanda engizildi. Biraq jaqyn arada samokat mingen politseiler barlyq qalalyq saiabaq pen alańdy kúzetýi múmkin, - dep habarlaidy Tengrinews.kz saity KTK-ǵa silteme jasap.
"Keide samokat mingender politseilerden trotýar arqyly júrip qutylýǵa tyrysady. Árine, politsiia kóligi trotýarmen júre almaidy. Keibir jaǵdaida, árine, infraqurylym men yńǵaily jaǵdai bolsa, politsiia qyzmetkerleri quqyqbuzýshylardy jaiaý qýyp jetedi. Biraq bul - dál qazir talqylanyp jatqan másele. Saiabaq mańynda quqyqtyq tártipti qorǵaý úshin politseilerge samokattar bólinýi múmkin", - dedi Almaty PD resmi ókili Saltanat Ázirbek.
Jyl basynan beri Almatyda samokat mingender jasaǵan jeti myńǵa jýyq quqyqbuzýshylyq tirkeldi. Buryn olar jol qozǵalysynyń basqa qatysýshylary retinde jazalansa, qazir júrgizýshiler retinde jazalanady. 30 tamyzdan bastap samokat mingen 78 adamǵa aiyppul salynǵan.
Qalada segiz aida samokat mingenderdiń kesirinen 18 jol apaty tirkelgen. Bir adam qaza boldy, 17 adam jaraqat aldy. Moped mingenderge qatysty 223 jol apaty tirkeldi, eki adam qaza taýyp, 240 adam jaraqat aldy.
