Almatyda politsiia qyzmetkerleri óz-ózine qol jumsamaq bolǵan jigitti qutqardy, dep habarlaidy Polisia.kz.
Almaty qalasy Medeý aýdandyq politsiia jedel basqarý ortalyǵynyń kezekshi bólimine biik ǵimarattyń 16-shy qabatynda, balkonnyń qorshaýynda bir jigittiń otyrǵany týraly qońyraý kelip tústi.
Oqiǵa ornyna kelgen ýchaskelik inspektorlar Aidarbek Marat pen Dýman Orazaliev balkonǵa aparatyn esikti jabyq kúiinde tapty.
Soǵan qaramastan, olar balkonǵa kirip, jigitpen sóilesip, ony mundai qadamǵa barmaýǵa kóndirdi.
Aidarbek jigitti áńgimege tartyp, kóńilin aýlai bastady. Sol sátte Dýman jigitke jaqyndaýǵa tyrysty.
Al jigittiń qolynda belgisiz suiyqtyǵy bar eki shprits boldy jáne ol ony politseige salyp, ózi sekirip ketemin dep qorqytty.
Politsiia qyzmetkerleri áńgime barysynda er adamdy ustap, qaýipsiz jerge apardy. Dárigerler jigitke alǵashqy kómek kórsetti.
Sodan keiin ony tártip saqshylary politsiia basqarmasyna jetkizdi.
